المساعد الشخصي الرقمي

مشاهدة النسخة كاملة : مصطلحات سودانيه جداً


الطيب رجبه
12-06-2010, 06:04 PM
الاخوه الاكارم ....
تحيةً وسلاماً وتقديراً واحتراماً
بما ان هنالك شريحة كبيرة جداً من عضاء هذا المنتدى هم من الطيور المهاجرة فدار بذهني ان نتناول بعض المصطلحات والكلمات العامية السودانية ونشرح معناها واذا امكن ندعمها ببعض الصور لو توفرت ... وما ذلك الا انعاش لذاكرة الكبار واستدراراً للحنين وفي ذات الوقت تعليم النشئ من الاشبال بعض تراث بلدهم .... وفي انتظار ارائكم ومداخلاتكم
تفضلوا بقبول فائق الاحترام

الطيب رجبه
12-06-2010, 06:09 PM
البداية من عندي ونقول بسم الله الرحمن الرحيم .
المرحاكه : وبعضهم يسميها المحراكه !!!!
وهي عبارة عن حجرين احدهما كبير ومثبت على الارض والاخر صغير يفوق حجم كفة اليد قليلاً ( زي الماوس لكن كبير ) ويتم بهما طحن الذرة وتسمى في لغة العرب بالرحى مع بعض الاختلاف في الاشكال وطريقة الاستعمال من منطقة الى اخرى .
وفي انتظاركم ...

الطيب رجبه
13-06-2010, 03:54 PM
يا شيخ/ هيثم ما تدينا مصطلح مصطلحين كدا

الطيب رجبه
13-06-2010, 03:56 PM
http://www.alriyadh.com/2008/02/08/img/092666b.jpg (http://www.google.com.sa/imgres?imgurl=http://www.alriyadh.com/2008/02/08/img/092666b.jpg&imgrefurl=http://anasudane.maktoobblog.com/&usg=__wxPyagHin0ksy8t8Wm-m7T1hc20=&h=327&w=439&sz=26&hl=ar&start=1&itbs=1&tbnid=zQVx3Fn5opVGtM:&tbnh=95&tbnw=127&prev=/images%3Fq%3D%25D8%25A7%25D9%2584%25D9%2585%25D8%2 5AD%25D8%25B1%25D8%25A7%25D9%2583%25D9%2587%26hl%3 Dar%26safe%3Dactive%26sa%3DN%26gbv%3D2%26ndsp%3D21 %26tbs%3Disch:1)
دي واحدة من صور المحراكة

الطيب رجبه
13-06-2010, 03:58 PM
http://lh5.ggpht.com/_NWNfjauvB80/SLs34-i2aJI/AAAAAAAABnQ/vOrVyVKeNc8/s512/DSC02451.JPG (http://search.aol.com/aol/imageDetails?s_it=imageDetails&q=%D8%A7%D9%84%D9%85%D8%AD%D8%B1%D8%A7%D9%83%D8%A9&img=http%3A%2F%2Flh5.ggpht.com%2F_NWNfjauvB80%2FSL s34-i2aJI%2FAAAAAAAABnQ%2FvOrVyVKeNc8%2Fs512%2FDSC0245 1.JPG&host=http%3A%2F%2Fjabelmaimi.net%2Fvb%2Fshowthread .php%3Ft%3D384&width=131&height=98&thumbUrl=http%3A%2F%2Fimages-partners-tbn.google.com%2Fimages%3Fq%3Dtbn%3ACUd8O4jt8C8MvM %3A%3Alh5.ggpht.com%2F_NWNfjauvB80%2FSLs34-i2aJI%2FAAAAAAAABnQ%2FvOrVyVKeNc8%2Fs512%2FDSC0245 1.JPG&b=image%3Fq%3D%25D8%25A7%25D9%2584%25D9%2585%25D8% 25AD%25D8%25B1%25D8%25A7%25D9%2583%25D8%25A9%26ore q%3Db240b01da674425993f8a31e46a59f16&imgHeight=384&imgWidth=512&imgTitle=%D8%AD%D8%AC%D8%B1+%D9%87%D8%B4+%D9%83%D8 %A7%D9%84%D8%AE%D9%81%D8%A7%D9%86+%D9%88%D9%8A%D8% B3%D8%AD%D9%82%D9%88%D9%86+%D9%87%D8%B0%D8%A7&imgSize=49359&host****=jabelmaimi.net)
ودا نوع تاني من انواع المحراكه

الطيب رجبه
13-06-2010, 03:59 PM
البعرف المشلعيب منو ؟؟؟

الطيب رجبه
13-06-2010, 06:21 PM
http://dc04.arabsh.com/i/00365/i2g0c3frstpo.JPG
هذا هو المشلعيب

عبدالله الشفيع
13-06-2010, 09:54 PM
سوف تتغير النجوم واحتفالا بالمشاركه رقم 200 جلست انا واسرتى نتشاور كيف نختم المشاركه رقم 200 واخيرا

مااحب هذا الموضوع لى نفسى


التبروققه ------ الصور بعد الاجابه على اسئلة رجبه

الطيب رجبه
14-06-2010, 05:52 AM
انه من دواعي سروري تداخلك الثر واضافاتك القيمة
وما تجمع النجوم حول نجمك الا شرفاً لها ..........
دمت انت واسرتك الكريمة بموفور الصحة وكامل السعادة

الطيب رجبه
14-06-2010, 05:53 AM
ما تنقطع يا باشمهندس ... في انتظارك

الطيب رجبه
17-06-2010, 07:22 AM
عووووووووووووك يا ناس
مافي مصطلحات ؟؟؟؟؟

كمال مدني
17-06-2010, 09:52 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=1820#post1820)
عووووووووووووك يا ناس
مافي مصطلحات ؟؟؟؟؟



لك التحية اخي الطيب
واليك هذا المصطلح السوداني البحت
أم تكشو

الطيب رجبه
17-06-2010, 01:44 PM
ايوه كدا
منورنا والله يا دكتور كمال

الطيب رجبه
17-06-2010, 01:48 PM
اسمح لي يا دكتور كمال شرح هذا المصطلح الاشبه بالمصطلحات اليابانيه او الصينين .....
ام تكشو هي عبارة عن اوراق ملوخيه تم حفظها عن طريق التجفيف ( اوراق مجففه) ويتم طبخها وقت الحاجة في زمن قد تنعدم فيه الملوخية الطازجه اما لعدم توفرها الزماني او المكاني ... وتمتاز هذه الوجبه بسرعة اعدادها

كمال مدني
18-06-2010, 07:42 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=1846#post1846)
اسمح لي يا دكتور كمال شرح هذا المصطلح الاشبه بالمصطلحات اليابانيه او الصينين .....
ام تكشو هي عبارة عن اوراق ملوخيه تم حفظها عن طريق التجفيف ( اوراق مجففه) ويتم طبخها وقت الحاجة في زمن قد تنعدم فيه الملوخية الطازجه اما لعدم توفرها الزماني او المكاني ... وتمتاز هذه الوجبه بسرعة اعدادها





لك التحية اخي الطيب
لقد اصبت واوصفت المصلح وصف دقيق جدا
(بالاضافة الي انها بدون لحمة)
مع خالص تحياتي,,,,,,,

كمال مدني
18-06-2010, 07:49 AM
جمعة مباركة اخي الطيب ,,,,
واليك هذا المصلح
(السعن )

خالد عابدين
18-06-2010, 10:34 AM
لك التحية اخى كمال واخى الطيب
السعن عبارة عن وعاء جلدى لحفظ السمن اوالزيت

خالد عابدين
18-06-2010, 10:53 AM
كده اعرفوا لى دى * خميس طويره

كمال مدني
18-06-2010, 06:09 PM
اخي خالد حمد الله علي السلامة
ونورت المنتدي

خميس طـويرة هي في اعتقادي
عبارة عن كِـسـره يضاف اليها المـلـح والسـكـر وقليلاً أيضـاً مـن الـفـول السـودانـى المسحـون(الدكوة) .. ويجـفف مـجمـوع ذلـك
وهـو يحتمـل ظـروف الترحـال والتنـقـل والـعـوامـل الطبيعيـة الأخـرى , وعند الاكل يضاف لها الماء وتاكل
( هـى أكـلـة الرعـاة ) نسبة لترحالهم

خالد عابدين
18-06-2010, 08:35 PM
تمام مية المية هى اكلة الرعاة والطلبة فى الداخليات زماااااااااااااان وبلغة هذا العصر بعد اضافة الماء عبارةعن سريلاك عديل كده ومن هنا الف سلام لمرتع صباي دارفور الحبيبة بلد القران والفرسان السلطان والشرتاى والميرم اخى الحبيب كمال هلا زودتنا بمعلومة عن من هى الميرم ؟

صلاح عبد الوهاب
19-06-2010, 11:18 AM
الموضوع جيد اقترح لادارة المنتدي تخصيص قسم باسم سودانيات لمثل هذا الموضوع واي مواضيع مماثلة ولا شننننننننننننننننننننو
ياجماعة


104

الطيب رجبه
19-06-2010, 05:23 PM
مرحباً ابو حافظ
ولقد اتحفتنا بالمفيد
منتظرنك وابقى واصل

الطيب رجبه
19-06-2010, 05:26 PM
الموضوع جيد اقترح لادارة المنتدي تخصيص قسم باسم سودانيات
اقتراح جميل اخي صلاح
ومشكور على رايك في الموضوع
بورك فيك

الميكانيكي
19-06-2010, 05:42 PM
بتعرف عنقريب (القِد) يا ود رجبة

الطيب رجبه
20-06-2010, 07:29 PM
ههههههههههههههههه
حلوة منك والله يا ابو ابراهيم
بشرحك حاله الان ...

الطيب رجبه
20-06-2010, 07:32 PM
عنقريب القد هو عبارة عن سرير مصنوع من الخشب المحلي بطريقة يدوية ونسج فراغه بجلد الابل او الابقار وحالياً اصبح من المنقرضات مع وجود الاسرة الحديثة وحبال البلاستيك .

الطيب رجبه
20-06-2010, 07:33 PM
اها رايك شنو يا مكنكة ؟؟؟
انت بتعرف الحنقوق؟؟؟؟؟

الميكانيكي
20-06-2010, 09:18 PM
الحنقوق ياود رجبة هو جزء من الزعف
والزعف هو صفق اشجار الدوم يستخدم في صناعة البروش.
والبرش زااااتو شنو؟ اما الحنقوق يستخدم في صناعة الحبال..ولا انا غلطان

الطيب رجبه
20-06-2010, 09:45 PM
لا والله ما غلطان وحاشاك الغلط
مشكور المكنيكي

ام الكل
22-06-2010, 08:47 AM
بتعرفوا البُخسة والخُرج ؟؟؟؟؟؟؟

الطيب رجبه
28-06-2010, 06:55 AM
مشكورة ام الكل على التداخل المفيد
وعذراً للانقطاع ونواصل ونطرح سؤالك مرة اخرى
ما هي البخسة ؟ وماهو الخرج ؟
منتظرين الاجابات

ود البشير
28-06-2010, 08:14 AM
سلام عليكم
كان ما خاف الكضب اقول الجماعة القولتوهم ديل اولاد عم المخلاية
ولا ما كدي يا خوانا
والقصة كلها عبارة عن اوعية لحمل الاغراض تصنع من السعف (البخسة وهي شبية القفة بس صغيرة شوية) وحبال الدبارة للخرج والمخلاية من قطع الدلاقين (الملابس المستهلكة) القديمة
ودمتم

كمال مدني
28-06-2010, 01:26 PM
مرحبا بعودتك اخي الطيب
وماذا عن هذا المصطلح البحت
(المترار)

الطيب رجبه
28-06-2010, 01:36 PM
مرحبتين دكتورنا الغالي كمال
المترار على ما اعتقد انه احد ادوات الغزل والنسيج البدائي ... واذا انا غلطان يا دكتور صححني

ود البشير
28-06-2010, 03:16 PM
يا جماعة زول ساي يصحح لينا كلامنا القلناهو ده مافي
افيدونا افادكم الله

الطيب رجبه
28-06-2010, 03:36 PM
سلام عليكم
كان ما خاف الكضب اقول الجماعة القولتوهم ديل اولاد عم المخلاية
ولا ما كدي يا خوانا
والقصة كلها عبارة عن اوعية لحمل الاغراض تصنع من السعف (البخسة وهي شبية القفة بس صغيرة شوية) وحبال الدبارة للخرج والمخلاية من قطع الدلاقين (الملابس المستهلكة) القديمة
ودمتم

حبيبنا ود البشير .....
على حسب اعتقادي ان البخسة اناء من القرع البلدي الجاف يحفظ فيه اللبن والسمن وغيره
والخرج هو عبارة عن وعاء من الخيش او الشعر يوضع على ظهر الدابة لحمل الاغراض او الاشياء الخاصة .
ولو غلط صححوني ....

كمال مدني
28-06-2010, 08:26 PM
لكم التحية الاخوة ود البشير والطيب
اجابتكم صحيحة بالاضافة الي
أن البخسة هي اناء من اليقطين (القرع)
يضع فيه الروب لكي يصنع منه السمن

وفي انتظار مصطلح جديد

ام الكل
28-06-2010, 10:10 PM
تصحيح: البخسة هي إناء يصنع من القرع ويكسى
بالجلد يستعمل لخض الروب لصنع (الفرصة ) ولا دي كمان ما بتعرفوها هي مثل الزبدة وتصبح فيما بعد
سمناً.
أما الخرج فهو مصنوع من الجلد المدبوغ والممسوح بالقطران وهو أظن معروف ويوضع الخرج على ظهر (الحمير) لحمل ماء الشرب والله أعلم.......

الميكانيكي
29-06-2010, 12:48 AM
الاجابات صحيحة
يوجد خرج للماء وايضاً
خرج لحمل الاغراض
وصف ام الكل للبخسة كان دقيق جداً
وهاكم ده(البرمندي)في معلوم

الطيب رجبه
29-06-2010, 07:33 AM
أما الخرج فهو مصنوع من الجلد المدبوغ والممسوح بالقطران وهو أظن معروف ويوضع الخرج على ظهر (الحمير) لحمل ماء الشرب والله أعلم.......[/center]

مشكورة ام الكل ......
وكما قال اخونا عبد الرحمن الخرج خرجان وكلامها صحيح
شكراً للاضافات الثرة فهل من مزيد

الطيب رجبه
29-06-2010, 07:35 AM
لكم التحية الاخوة ود البشير والطيب
اجابتكم صحيحة بالاضافة الي
أن البخسة هي اناء من اليقطين (القرع)
يضع فيه الروب لكي يصنع منه السمن

وفي انتظار مصطلح جديد

يعني يا دكتور كمال المترار دا نقرتو ليك 100%؟
اها ما تنقطع...... تحياتي

الطيب رجبه
29-06-2010, 07:39 AM
البرمندي : هو اخو الوتد والفرق بينهما ان البرمندي يكون من الحديد بينما الوتد من الخشب(عود)
والبرمندي ما هو الا حديدة يتم غرسها في الارض لتربط بها الدابة وعادة ما يكون حاد مناحد الاطراف حتى يتم غرسه بسهولة وجانبه الاخر يكون مزود بحلقة حديدية ليتم ربط الحبل بها بسهولة ايضاً واحيانا يستعمل البرمندي لشد الخيام او البيوت المؤقتة
اها يا عبد الرحمن لقيتني كيف ؟؟

كمال مدني
29-06-2010, 01:25 PM
لك التحية أخي الطيب
معلوماتك 100% وكمان زيادة حبة
وان معاك انشاء الله لآخر المشوار

واليك هذا المصطلح

(الكونشبر)

الميكانيكي
29-06-2010, 01:27 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=2586#post2586)
واحيانا يستعمل البرمندي لشد الخيام او البيوت المؤقتة
اها يا عبد الرحمن لقيتني كيف ؟؟



والله معلم مافي شك
لو قالوا ليك الزول ده تفتيحة
ياهو ده انت يا ود رجبة
ملم بكل حاجة ما شاء الله
وربنا يزيدك علم قول اميـــــــــــن
وهاك دي (القرقريبة+الريكة)

ود البشير
29-06-2010, 02:22 PM
تسلموا جميعا على التصحيح واعذرونا انحنا ناس بندر ساااااااي
عشان كده قلنا افيدونا
لكن برضوا ما مشينا بعيد ولا رايكم شنو؟؟؟

الطيب رجبه
30-06-2010, 08:47 AM
لا تب ما عندك عوجة يا ود البشير
فوق الجيهة ما مشيت بعيد ... لكن شكلك كدا ماااااا زول بندر
يديك العافي وما تنقطع

الطيب رجبه
30-06-2010, 08:53 AM
(الكونشبر)
ها دي الشورة الغلبنا دليلا يا دكتور ......
لكن لو ما اخاف الكضب اقول الشي دا عبارة عن ثلاثة عيدان تربط من الاعلى مجتمعه وتفرق من تحت ( سيبه) ويتم تعليق قربة الماء عليها او السعن لخض الروب وفي بعض المناطق يطلق عليه اسم الكشنبير
ولو ما صاح ارجوا التصحيح

الطيب رجبه
30-06-2010, 08:57 AM
القرقريبة
هي زعفة العواسة وحديثاً تم استبدال الزعف بقطعة بلاستيكية او بطاقة اسكراتش او اي شي مناسب يؤدي مهمة فرد العجين على صاج صناعة الخبز السوداني (عواسة) ولا ما صاح ؟؟

ام الكل
30-06-2010, 01:32 PM
الريكة دي ليه نسيتوها هي عبارة عن طبق من السعف يوضع عليه عيش الذرة والمثل بقول(فلان ده قندوله مشنقل الريكة) يعني هو الوحيد المخالف الجماعة.....

كمال مدني
30-06-2010, 01:33 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=2690#post2690)
ها دي الشورة الغلبنا دليلا يا دكتور ......
لكن لو ما اخاف الكضب اقول الشي دا عبارة عن ثلاثة عيدان تربط من الاعلى مجتمعه وتفرق من تحت ( سيبه) ويتم تعليق قربة الماء عليها او السعن لخض الروب وفي بعض المناطق يطلق عليه اسم الكشنبير
ولو ما صاح ارجوا التصحيح


لك التحية اخي الطيب
المرة دي مشيت بعيد شوية من المعني
والاجابة هي

الكونشبر: قفة صغيرة يستخدمها المزارع في نقل التراب لسد الماء.

اها ,,,يا ود رجبة منتظرين منك مصطلح جديد

الطيب رجبه
30-06-2010, 02:31 PM
لك التحية اخي كمال ومشكور على التصحيح والمعلومة القيمة
بس انا مشيت لمصطلح متداول عندنا وهو الكشنبير
اطنان من الاحترام لكم جميعاً

الطيب رجبه
07-07-2010, 09:33 AM
http://simsimaya.wordpress.com/files/2009/10/0310200941511.jpg
هذه هي الريكه
شكراً لام الكل وابو ابراهيم

الطيب رجبه
07-07-2010, 09:35 AM
ودي صورة القرقريبه
http://i42.tinypic.com/1zd0oxu.jpg

الطيب رجبه
07-07-2010, 09:39 AM
دي قفة التراب يا دكتور كمال ؟ http://alhomran.net/images/IMG_1275.JPG

الطيب رجبه
07-07-2010, 09:42 AM
البعرف ( القسيبه ) منو ؟؟؟؟

ود البشير
07-07-2010, 10:49 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=2689#post2689)
لا تب ما عندك عوجة يا ود البشير
فوق الجيهة ما مشيت بعيد ... لكن شكلك كدا ماااااا زول بندر
يديك العافي وما تنقطع



نأسف على التأخير يا ود رجبة
لكن والله زول بندر بس تربية حبوبات:p

كمال مدني
07-07-2010, 10:52 AM
لك التحية أخي الطيب مجددا
القسيبه : تصنع من الطين في شكل زير كبير وتوضع فيها المحاصيل
وتغطى بإحكام حتى يتم عزل الهواء عن المحصول لحفظه أطول فتره ممكنه
دون ان يتلف أو يصيبه السوس
** أخي الطيب
هل هناك وجه شبه بين (القصيبة والمطمورة )
ام المعني واحد ؟؟
ولك تحياتي

الطيب رجبه
07-07-2010, 01:55 PM
اقتباس:

هل هناك وجه شبه بين (القصيبة والمطمورة )
ام المعني واحد ؟؟
ولك تحياتي




اولاً مشكور يا دكتور على الشرح الوافي والشافي للقسيبه
ثانياً القيسبه والمطمر يتحدان في انهما مستودع لتخزين المحاصيل وتحديداً الغلال ويفترقان في ان المطموره عبارة عن حفره تحفر عميقاً قد تصغر وتتسع حسب كمية المحصول المراد تخزينه بها وهي باي حال من الاحوال اكبر من القسيبه وكذلك الاختلاف في طريقة الاغلاق فالمطمورة ليس لها غطا وانما يتم تغطية الغلال بطبقه من التبن او القش ثم يهال عليها التراب وبصورة تمنع تسرب مياه الامطار الى داخل المطمورة ..
امل ان اكون قد اوضحت شيئاً يا دكتور كمال ..... وفي الانتظار

كمال مدني
07-07-2010, 08:11 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=3318#post3318)
اقتباس:

هل هناك وجه شبه بين (القصيبة والمطمورة )
ام المعني واحد ؟؟
ولك تحياتي
اولاً مشكور يا دكتور على الشرح الوافي والشافي للقسيبه
ثانياً القيسبه والمطمر يتحدان في انهما مستودع لتخزين المحاصيل وتحديداً الغلال ويفترقان في ان المطموره عبارة عن حفره تحفر عميقاً قد تصغر وتتسع حسب كمية المحصول المراد تخزينه بها وهي باي حال من الاحوال اكبر من القسيبه وكذلك الاختلاف في طريقة الاغلاق فالمطمورة ليس لها غطا وانما يتم تغطية الغلال بطبقه من التبن او القش ثم يهال عليها التراب وبصورة تمنع تسرب مياه الامطار الى داخل المطمورة ..
امل ان اكون قد اوضحت شيئاً يا دكتور كمال ..... وفي الانتظار



لك التحية والتقدير أخي الطيب
لقد كفيت ووفيت
وبارك الله فيك كثيرا

ود البشير
08-07-2010, 01:21 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=2689#post2689)
لا تب ما عندك عوجة يا ود البشير
فوق الجيهة ما مشيت بعيد ... لكن شكلك كدا ماااااا زول بندر
يديك العافي وما تنقطع



والله يا ود رجبة عرافن
نأسف على التاخير
ودمت :D:D:D

الطيب رجبه
08-07-2010, 06:08 AM
اقتباس:
المشاركة الأصلية كتبت بواسطة ود البشير http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=3365#post3365)
والله يا ود رجبة عرافن
نأسف على التاخير
ودمت





منتظرنك يا دكتور
يديك الف عافية

الطيب رجبه
08-07-2010, 09:46 AM
يا المكنيكي بتعرف (العتنيبه ) ؟؟؟؟

ود الصحافة
09-07-2010, 10:51 PM
مصطلحات سودانيه شماشية


بشكة = فردة : صديقك
حناك =إنسان كلامه حلو ويخش الرأس على طول
دبيب = الولد اللي يدخل الشات باسم بنت
مرطب = الغني وحالته مرتاحة
شفت = مفتح :إنسان يعرف أي شي
مسطح = فارة = طيرة = ما ناقش = كيسه فاضي : إنسان ما يفهم أي شي
ركبه التونسية = دقسته : يعني غشيته أو خدعته
ربة : حفلة
الحاجة دي دسيسة = كاسرة فيني ضلع = قاطعة فيني عرق = كاسر فيني ربس : تعجبني مرة
اتجدعت : انبسطت وروقت
عاضة : بايخة
ضحاكات = الفلوس
هواه قايم = فلسطين : مفلس طفرااااااااااااان
فاكة منه = ضارب سلك = لافي صينية : مجنون
شديدة = شرط للأرض : البنت الحلوة
أتلحس : مات
سطالايت = راكب فيل : إنسان سكران
أتفقع = أتسرق
رافعه القزاز : تقال للبنت المتكبرة اللي ما تعطي وجه
رمتالي = شماسي :مهاجد وما شابه
شرحبيل = إذا واعدت إنسان وما جاك
كرسي الشهيد : الكرسي الجنب السواق
كنبة شكرا : اخرمقعد في الحافلة
حبكانه : حب و ريدة
عمك : راجل كبير
عضة = تشومة = منجرية : أكل
حديده : عربية أو سيارة
قرض : بخيل
أب صفيحة : عسكري
اعمل نايم : انسي وما تشتغل بالموضوع
لاند كدر :رجليه أو تمشي برجلك
كبس = جاء
جولة حول الدولة = عندي لفة
اتفكفك = شتت = اقطع وشك : امشي
مدردقة = ماشي الحال
دامة : بنت
10 قافلة : الولد الحلو
مأكل كباب : احوص
التعامل انجليزي = فارز عيشته :الشخص الوحيد والذي يحب الوحدة
دق جرس : شاكلني
ضباح : ( ضبحني ليك ضبحة) يعني فكاها فيني أو كضب علي
قداد = براي : كثير الكلام

حتى الكومبيوتر ما سلم من الكلام هذا
hp تقيل : حب تقيييييييييل
color ولا ما color : البت دي سمحة ولا ما سمحة
سليرون ولا انتل : يعني جماله طبيعي ولا مضروب
عايزة كي بورد تقيل ولا alt+ctrl+delete : يعني بت راسها خفيف ولا عايز ليهو حنك تقيل

أتمنى تعجبكم

ود البشير
10-07-2010, 09:52 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=3395#post3395)
يا المكنيكي بتعرف (العتنيبه ) ؟؟؟؟


السؤال للمكنيكي لكني بداخلكم
العتنيبة اظنها البرش او ما شابه ويا ود رجبة ادحلها ليك في جملة مفيدة اتمنى تفسيرها كاملة
(( وحدة من طالبات المدرسة في بعض ضواحي البلد مشت لمدرستها تشتكي وقال,
يالست, صريت سلفتي في شكوتي وختيتها تحت العتنيبة واتحرتني ما فيشه))
وبرضو دمتم

الميكانيكي
10-07-2010, 10:28 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=3395#post3395)
يا المكنيكي بتعرف (العتنيبه ) ؟؟؟؟


اولاً نأسف على التأخير يارُجبة
وثانياً بصراحة مابعرفا..,, لكن ربما يكون لدينا إسم آخر
بس انا بعرف (القيروانة) إنت بتعرفا؟؟؟؟؟؟؟؟؟؟؟؟؟؟؟

الطيب رجبه
11-07-2010, 07:45 AM
وحدة من طالبات المدرسة في بعض ضواحي البلد مشت لمدرستها تشتكي وقال,
يالست, صريت سلفتي في شكوتي وختيتها تحت العتنيبة واتحرتني ما فيشه

ههههههههههههههه
والله كدا شرحتها مضوبط 100% يا ود البشير
وباقي الجمله مليان مصطلحات سودانية وحنفك شفرتها كلمه كلمه
يديك العافية يا ود البندر اسف ود البشير

الطيب رجبه
11-07-2010, 07:47 AM
(القيروانة)

اكان ما اخاف الكضب الجردل يالمكنيكي صاح ولا ما صاح وبمصطلحات البلد دي السطل
اذا غلط صححني .....

الطيب رجبه
11-07-2010, 07:51 AM
اقتباس:
حناك =إنسان كلامه حلوويخش الرأس على طول



يا ود الصحافة شكلها دي مصطلحات سودانية شبابيه معاصره
مشكور على مروروك وتداخلك

الطيب رجبه
11-07-2010, 07:52 AM
ود الصحافه بتعرف القادوس ؟؟؟

الطيب رجبه
13-07-2010, 04:01 PM
وينكم يا جماعة الخير ؟؟؟؟

ود البشير
14-07-2010, 07:53 AM
والله يا ود رجبة قادوسك ده غلبنا عديل كده
الله يرحمك يا بروف عون الشريف

كمال مدني
14-07-2010, 09:28 AM
لكما التحية والتقدير
أخي ود رجبة والاخ ود البشير
القادوس
علي ما اظن انه جزء من الساقية
وممكن يكون من الحديد او من الفخار
ويربط حول الحلقة الكبيرة
والتى تدور رأسيا وتتدلى وتكون مجموعة من القواديس

لتغرف الماء وتصبها في
المكان المخصص لتجري علي الجداول للسقاية

الطيب رجبه
14-07-2010, 02:41 PM
اسال الله لك الرحمة بروفيسور / عون الشريف قاسم ...
ويا ود البشير دكتور كمال جابها 100%
سلمت يداك يا دكتور كمال ومعلومات صحيحه تماماً

الطيب رجبه
14-07-2010, 02:47 PM
يالست, صريت سلفتي في شكوتي وختيتها تحت العتنيبة واتحرتني ما فيشه

ود البشير نرجوا منك فك طلاسم هذه الجمله انفة الذكر
مع الشكر الجزيل

ود البشير
15-07-2010, 01:16 AM
البت طالبة في المدرسة وبتقول لي معلمتها انها عندها قريشات (سلفتي) ربطتهم في طرف طرحتها (شكوتي) وختتهم تحت البرش البقعدو فيه ولمن جات تشيلهم مالقتهم
ودمت يا شيخي ومن معاك

الطيب رجبه
15-07-2010, 07:52 AM
ود البشير يا خطير
ود بندر ... لكن حبوبتك دي ما قصرت معاك تب والله
تسلم يا غالي


خارج النص :
البسهرك للفجر شنو ؟؟؟؟؟

هيثم فتحي عبد الماجد
15-07-2010, 08:40 AM
البعرف القاشيت منو

هيثم فتحي عبد الماجد
15-07-2010, 06:12 PM
مين يوصف لينا ملاح الويكاب

مين البتعملو لينا انا قطعت البصلة


http://www.aphroditewomenshealth.com/news/img/onions.jpg

ود البشير
15-07-2010, 07:38 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=4083#post4083)


خارج النص :
البسهرك للفجر شنو ؟؟؟؟؟




انت ياشيخي قايلنا ما بنصلي ولا شنو؟
دي ماكانت اغنية استمعنى ليها
وبرضو دمت :)

الطيب رجبه
16-07-2010, 01:44 PM
انت ياشيخي قايلنا ما بنصلي ولا شنو؟


حاشاك والله عارفك بتصلي
لكن انا سالت البسهرك للفجر شنو ؟؟
ما قلت البصحيك الفجر شنو ؟؟؟

الطيب رجبه
16-07-2010, 01:47 PM
مين البتعملو لينا انا قطعت البصلة

هوووووي يا شيخ هيثم قطيع البصل دا بجيب الدموع وحاجات تانيه .........

ود البشير
16-07-2010, 06:38 PM
البسهرني كتييييييييييييييييييييير
كل ليله وكل يوم أسهر لبكره في انتظارك يا حبيبي
فكري طول الليل في ليلك والنهار كله في نهارك يا حبيبي
يا ترى يا واحشني بتفكر في مين عامل ايه الشوق معاك
عامل ايه فيك الحنين
سهرت السهر في عنيه صحيت المواجع فيه
كل ساعة وكل ليله وكل يوم بعد ما اطمن عليك
ح يجيني نوم يا حبيبي
قوللي إيه حلو في حياتي وانت غايب عن عينيه
السهاد أنا فيه ليلاتي والبعاد طول عليه
يا حبيبي أنا من كتر اللي قاسيته وداريته عليك
موش بصدق اني اتحمل في يوم فرحة لقا عينيًّ بعينيك
يا ترى يا واحشني بتفكر في مين عامل إيه الشوق معاك
عامل ايه فيك الحنين
سهرت السهر في عنيه صحيت المواجع فيه
كل ساعة وكل ليله وكل يوم بعد ما اطمن عليك
ح يجيني نوم يا حبيبي
كل نار تصبح رماد مهما تقيد إلا نار الشوق يوم عن يوم تزيد
ابعت لي قل لي انت فين لو تقدر
بستني منك كلمتين مش أكتر
يطمنوني حبهْ عليك وع المحبه
يا ترى يا واحشني بتفكر في مين عامل إيه الشوق معاك
عامل إيه فيك الحنين
سهرت السهر في عينيه صحيت المواجع فيه
كل ساعة وكل ليله وكل يوم بعد ما اطمن عليك
ح يجيني نوم يا حبيبي
كان قربك هنا وحنيه وليالي جميله هنيه
طار بي الأمل بجناحه ولمست النجوم بايديه
وف بعدك يا عيني عليه الدنيا بقت موش هيه
وح افضل كده يا حبيبي استنى الليالي الجايه
يا ترى يا واحشني بتفكر في مين عامل إيه الشوق معاك
عامل إيه فيك الحنين
سهرت السهر في عنيه صحيت المواجع فيه
كل ساعة وكل ليله وكل يوم بعد ما اطمن عليك
ح يجيني نوم يا حبيبي

الطيب رجبه
17-07-2010, 06:28 AM
ههههههههههههههه
بس اياهو ذاتوووووو .........

الطيب رجبه
31-07-2010, 07:34 PM
المشاركة الأصلية كتبت بواسطة هيثم فتحي عبد الماجد http://www.sudan-nl.com/vb/mk3/buttons/viewpost.gif (http://www.sudan-nl.com/vb/showthread.php?p=4091#post4091)
البعرف القاشيت منو


ابو صهيب الداهي القلتو دا شنو ؟؟؟ ما عرفناهو طب ؟؟؟

الطيب رجبه
07-09-2010, 09:13 AM
المشاركة الأصلية كتبت بواسطة هيثم فتحي عبد الماجد http://www.sudan-nl.com/vb/eid/buttons/viewpost.gif (http://www.sudan-nl.com/vb/showthread.php?p=4091#post4091)البعرف القاشيت منو


وما زال السؤال قائم
لكن هو شنو يا هيثم ؟؟؟

الطيب رجبه
21-09-2010, 04:32 PM
( التقنت ) البعرفو منو ؟؟

الميكانيكي
21-09-2010, 11:28 PM
على ما اعتقد يارجبة التقنت ده
عبارة عن فاصل ترابي لتقسيم الحواشة
والله اعلم

الطيب رجبه
22-09-2010, 06:11 AM
المشاركة الأصلية كتبت بواسطة الميكانيكي http://www.sudan-nl.com/vb/eid/buttons/viewpost.gif (http://www.sudan-nl.com/vb/showthread.php?p=8299#post8299)على ما اعتقد يارجبة التقنت ده
عبارة عن فاصل ترابي لتقسيم الحواشة
والله اعلم


احسنت يا مكنكه
بس اضافة بسيطة فاسم التقنت يطلق على الفاصل الترابي الذي يفصل بين الاحواض لتمكين عملية الري ...

الطيب رجبه
22-09-2010, 06:28 AM
http://images-partners-tbn.google.com/images?q=tbn:G042QRfdpvWdJM::algadwa.com/uploader/uploads/IMG_0031.jpg (http://search.aol.com/aol/imageDetails?s_it=imageDetails&q=%D8%A7%D9%84%D8%AA%D9%82%D9%86%D8%AA&img=http%3A%2F%2Falgadwa.com%2Fuploader%2Fuploads% 2FIMG_0031.jpg&host=http%3A%2F%2Fwww.drmoiz.com%2Fboard%2Fviewtop ic.php%3Ff%3D62%26t%3D59556%26start%3D0%26st%3D0%2 6sk%3Dt%26sd%3Da&width=131&height=87&thumbUrl=http%3A%2F%2Fimages-partners-tbn.google.com%2Fimages%3Fq%3Dtbn%3AG042QRfdpvWdJM %3A%3Aalgadwa.com%2Fuploader%2Fuploads%2FIMG_0031. jpg&b=image%3Fs_it%3Dbottomsearchbox.image%26v_t%3Dcom search40t%26q%3D%25D8%25A7%25D9%2584%25D8%25AA%25D 9%2582%25D9%2586%25D8%25AA%26oreq%3D759c06d0bf3d4d 328873399504448ecc&imgHeight=346&imgWidth=519&imgTitle=%D9%82%D8%B5%D8%A8%D8%A9+%D8%A7%D9%84%D8% AA%D9%82%D9%86%D8%AA+.&imgSize=75671&host****=www.drmoiz.com)
دي صورة مصغرة للتقنت

الطيب رجبه
22-09-2010, 06:30 AM
ما هو ( الواسوق ) يامكنكه ؟؟

الطيب رجبه
25-09-2010, 03:25 PM
مافي زول جاء بجاي

الطيب رجبه
13-10-2010, 07:01 AM
يا ناس عووووووك الواسوق ما بتعرفهو ولا مشغولين ؟؟
طيب نضيف ليهو حاجة تانيه ذكرني ليها جاري العزيز أبو السمؤل وهي ( العاشميق )
فما هو العاشميق ؟؟؟ وما هو الواسوق ؟؟
وفي انتظاركم

الطيب رجبه
14-10-2010, 08:31 AM
معقول
معقول يا جماعة الكلام دا ؟؟؟

الطيب رجبه
18-10-2010, 04:38 PM
الواسوق هو اله زراعيه تقليدية تستعمل لتسوية الارض الزراعيه ورفع الفواصل بين الاحواض ( التقنقت ) وذلك لتسهيل عملية الري ...
كما يستعمل الواسوق في دفن الموتى بجمع تراب القبر ورفعه حتى يصبح القبر مشرفاً من الارض ومتضح المعالم ...
والواسوق يتكون من لوح خشب مربوط في طرفيه حبل وعلى هذا اللوح عصا طويله وسميكة فيمسك احدهم بهذه العصا في شكل راسي ويمسك والاخر او الاخرون بطرف الحبل ويجذبونه وبهذه الطريقة يؤدي الواسوق عمله ....
ارجوا ان اكون وفقت في وصف الواسوق .
وفي انتظاركم ومداخلاتكم القيمة
كامل الاحترام

عبدالله احمد قاشوط
23-10-2010, 10:39 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=9775#post9775)
الواسوق هو اله زراعيه تقليدية تستعمل لتسوية الارض الزراعيه ورفع الفواصل بين الاحواض ( التقنقت ) وذلك لتسهيل عملية الري ...
كما يستعمل الواسوق في دفن الموتى بجمع تراب القبر ورفعه حتى يصبح القبر مشرفاً من الارض ومتضح المعالم ...
والواسوق يتكون من لوح خشب مربوط في طرفيه حبل وعلى هذا اللوح عصا طويله وسميكة فيمسك احدهم بهذه العصا في شكل راسي ويمسك والاخر او الاخرون بطرف الحبل ويجذبونه وبهذه الطريقة يؤدي الواسوق عمله ....
ارجوا ان اكون وفقت في وصف الواسوق .
وفي انتظاركم ومداخلاتكم القيمة
كامل الاحترام



الاخ الطيب لك تحياتي
فيما يتعلق بهذا الموضوع انا اعتبره مهم جدا لان هذه تراثيات سودانيه ومن لم يجدها لدي والده اكيد لدي جده اوحتي الجيران وخاصه في الارياف
الواسوق شرحته شرحا جيدا لايحتاج الي ذياده
اما العاشميق :هو حبل متين ابيض اللون مفتول ومكسور بطريقه تقليديه يدويه متغنه وهو يُصنع من لحاء الاشجار وخاصه السدر وهو بمثابه القطره بالنسبه لسائقي اللواري زمان ولحزم جميع الشحنات ان كانت علي زامله او عربه ولكونه متين وقوي صار يُضرب به الامثال وايضا يُسمي عليه بعض الناس (كُنيه)
عاشميق حبل الوجج اتحكر حرس الفجج
وايضا اولاد عاشميق وهو في النهايه حبل وكل ذلك لمتانته ليس الا
ودمتم

محمد خندقاوي
24-10-2010, 04:40 AM
صباح الخير يا اهلنا الطيبين

البعرف الجنزاية منوو

الطيب رجبه
24-10-2010, 06:51 AM
المشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10037#post10037)
الاخ الطيب لك تحياتي
فيما يتعلق بهذا الموضوع انا اعتبره مهم جدا لان هذه تراثيات سودانيه ومن لم يجدها لدي والده اكيد لدي جده اوحتي الجيران وخاصه في الارياف
الواسوق شرحته شرحا جيدا لايحتاج الي ذياده
اما العاشميق :هو حبل متين ابيض اللون مفتول ومكسور بطريقه تقليديه يدويه متغنه وهو يُصنع من لحاء الاشجار وخاصه السدر وهو بمثابه القطره بالنسبه لسائقي اللواري زمان ولحزم جميع الشحنات ان كانت علي زامله او عربه ولكونه متين وقوي صار يُضرب به الامثال وايضا يُسمي عليه بعض الناس (كُنيه)
عاشميق حبل الوجج اتحكر حرس الفجج
وايضا اولاد عاشميق وهو في النهايه حبل وكل ذلك لمتانته ليس الا
ودمتم




اخي عبد الله ..... تحياتي وسلامي
اضافة بسيطة فكلامك صحيح باعتبار النتيجة النهائية من استخدام المادة الخام للعاشميق ....
والعاشميق هو الليف الذي يكون حول جزع النخلة ومنه تكون ليف الجبنه (الدلة) ومنه تصنع حبال متينة جداً وخشنه ( كما اسلفت اخي ود قاشوط)
تسلم على المرور يا حبوب

الطيب رجبه
24-10-2010, 06:55 AM
المشاركة الأصلية كتبت بواسطة محمد خندقاوي http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10038#post10038)
صباح الخير يا اهلنا الطيبين


البعرف الجنزاية منوو




صبحك الله بالخير
والبعرفها يسعفنا يا جماعة الخير

عبدالله احمد قاشوط
24-10-2010, 09:13 AM
اقتباس:
المشاركة الأصلية كتبت بواسطة محمد خندقاوي http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10038#post10038)
صباح الخير يا اهلنا الطيبين


البعرف الجنزاية منوو



اخي خندقاوي لك ودي وتحياتي العميقين

ان قعدت في البيوت بعرف مقام ضيفاني
وان مرقت برّه بخدم جميع اخواني
ماشراب مريسه وما كلاما تاني
وهن وقع القدر ظلطه وتحتها ثواني

من خلال البيت الشعري اعتقد ان الجنزايه هي المريسه او البقنيّه

ودمتم

محمد خندقاوي
24-10-2010, 11:01 AM
اخى عبد الله لك ودى وتحياتى واحترامى و تسلم على المداخله

اخى الطيب اسعفك انا ذاتى :) :)
الجنزاية او البقنية بس ما اظن المريسه :rolleyes:
مشروب سودانى خالص له مفعول واثر جيد فى عملية الهضم
ويتم عملها دائما فى موسم الاعياد وخصوصا عيد الاضحى ومواسم الافراح ويجتمع الاهل والاحباب لتناول هذا المشروب

دي بعملوها من الذرة (الفتريتة)
تصنع من الذرة بعد تذريعها ووضعها على نار هادية حتى تصل الى درجة من التعسيل وبعد كدا تستخرج فى شكل كرات يتم حلها بواسطة الماء واضافة السكر لتصبح فى شكل مشروب
تشيل منها وقت تحب تشرب
وتسوى جك عصير جامد
غايتو يا الطيب بعزمك ليها يوم ان شاء الله
بس ما هنا فى السودان
بس ماتتعوووود عليها
:D

:D

ود البشير
24-10-2010, 04:13 PM
أها يا شيخ الطيب ما اخير السفن أب مع الزبادي بتاع سوق الناقة. والله الجنزاية والبقنية ديل بخلوك تجيب لندن عديييييييييييييييييييييييييييييييييييل كده

الطيب رجبه
27-10-2010, 07:36 AM
ا لمشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10071#post10071)
اخي خندقاوي لك ودي وتحياتي العميقين

ان قعدت في البيوت بعرف مقام ضيفاني
وان مرقت برّه بخدم جميع اخواني
ماشراب مريسه وما كلاما تاني
وهن وقع القدر ظلطه وتحتها ثواني

من خلال البيت الشعري اعتقد ان الجنزايه هي المريسه او البقنيّه

ودمتم




جاري العزيز ود قاشوط ..... لك مني كل التحايا والتقدير
الابيات السابقة ليس فيها اي ذكر للجنزاية فمن اين لك الاستدلال بها ؟؟
تسلم يا حبوب

الطيب رجبه
27-10-2010, 07:55 AM
المشاركة الأصلية كتبت بواسطة محمد خندقاوي http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10073#post10073)




حتى تصل الى درجة من التعسيل

درجة من التعسيل دي كيف يعني؟؟





غايتو يا الطيب بعزمك ليها يوم ان شاء الله
بس ما هنا فى السودان
بس ماتتعوووود عليها




مشكور يا خندقاوي
لكن خلينا في اطار السفن اب واللبن وخلطة ود البشير والميكنيكي العجيبه
تسلم يا حبوب

الطيب رجبه
27-10-2010, 07:56 AM
المشاركة الأصلية كتبت بواسطة ود البشير http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10095#post10095)
أها يا شيخ الطيب ما اخير السفن أب مع الزبادي بتاع سوق الناقة. والله الجنزاية والبقنية ديل بخلوك تجيب لندن عديييييييييييييييييييييييييييييييييييل كده

يا ستير b b c عديييل كدا

محمد خندقاوي
27-10-2010, 10:12 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10171#post10171)
درجة من التعسيل دي كيف يعني؟؟




تكووون مركزه يعنى عشان لمن تجى تحلها مع المويه تديك عصير جامد
والجنزايه دى قريبه من الابرى

بعدين دى مابطلعك من بيتكم
البجيبو اذاعة بى بى سى دى حاجات تانيه :rolleyes:

الطيب رجبه
28-10-2010, 06:51 AM
ثلاثة اشياء عايزين شرح ليها وما هي علاقتها ببعضها البعض : -
1-الودك
2- الطافور
3- الحُق
وفي انتظاركم

عبدالله احمد قاشوط
29-10-2010, 12:53 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10170#post10170)
ا


جاري العزيز ود قاشوط ..... لك مني كل التحايا والتقدير
الابيات السابقة ليس فيها اي ذكر للجنزاية فمن اين لك الاستدلال بها ؟؟
تسلم يا حبوب



الاخ ابو وائل لك ودي وتقديري
الاستدلال هو اني حبيت اوضح ان المريسه او الجنزايه البقنيه هما نؤام او ذي ماتقول بنات عم وشبيهات لبعض وضيف ليهن الشربوت كمان الله يبعدك وبعدنا عنهن ولا بتخيّط الشار ع
تحياتي لك مستر رُجْبه

عبدالله احمد قاشوط
29-10-2010, 01:05 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10188#post10188)
ثلاثة اشياء عايزين شرح ليها وما هي علاقتها ببعضها البعض : -
1-الودك :هو الشحوم المستخلصه من الزبائح
تُطهي بطريقه معينه ويضاف لها القرنفل والكمون وزيت نقي ان كان سمسم اوزيت الفول حتي تكون رائحته مقبوله وفي الزمان السابق كان يُدهّن به رؤس الفتيات لاسترسال الشعر ولازم يكون مُمَشّطْ السودان قفل حتي تكون في عمليه تماسك
2- الطافورهذا لااعرفه وربما يكون عندنا باسم مختلف
3- الحُق : هو عباره عن اناء خشبي مزخرف بطريقه جميله جدا ويضعون فيه العطور بانواعها ذي ماانت عارف وايضا يؤضع امام العريس في اوقات الزواج مثل الحٍنّه وكدا
وفي انتظاركم



لك فائق الشكر والتقدير

عبدالله احمد قاشوط
29-10-2010, 01:15 AM
من منكم يعرف :


المُخّرز




النطُعْ


القفُلْ



الكستبانه



البربندي


الدندهوب


العُطْفه

ام الكل
29-10-2010, 09:32 AM
على حسب اعتقادي الطافور هو: إناء خشبي شبيه
بالفندق يوضع فيه الدهن أو زيت(المسوح)

ام الكل
29-10-2010, 09:59 AM
اقتباس:
المشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10227#post10227)
من منكم يعرف :


المُخّرز




النطُعْ


القفُلْ



الكستبانه



البربندي


الدندهوب


العُطْفه





والله من الحاجات الكتيرة دي كلها ما عرفت
غير تلاتة
المخرز:هو شبيه بالابرة وله مقبض خشبي يستعمل لتفريق الشعر عند المشاط
النطع:سجادة دائرية مصنوعة من السعف مفتوحة في الوسط تفرش للدخان
الكستبانة: اداة من الحديد تلبس في الاصبع
اثناء الخياطة أو التطريز وحماية من وخز الابر
وهناك مثل شهير يضرب عندما يتعرض الشخص لموقف محرج اومكانة ضيقة يقول
(فلان دا دخلنا في كستبانة)

الطيب رجبه
29-10-2010, 01:09 PM
المشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10226#post10226)

1-الودك :هو الشحوم المستخلصه من الزبائح
تُطهي بطريقه معينه ويضاف لها القرنفل والكمون وزيت نقي ان كان سمسم اوزيت الفول حتي تكون رائحته مقبوله وفي الزمان السابق كان يُدهّن به رؤس الفتيات لاسترسال الشعر ولازم يكون مُمَشّطْ السودان قفل حتي تكون في عمليه تماسك


اخي عبد الله الشق الاول من اجابتك صحيح 100% فالودك هو تلك الشحوم الحيوانية ولكن بعد اضافة الزيت والكمون والعطور هذه يخرج من نطاق الودك الى اسم الكركار

3- الحُق : هو عباره عن اناء خشبي مزخرف بطريقه جميله جدا ويضعون فيه العطور بانواعها ذي ماانت عارف وايضا يؤضع امام العريس في اوقات الزواج مثل الحٍنّه وكدا

وفي انتظاركم


اجابة شافية ووافية

الطيب رجبه
29-10-2010, 01:18 PM
القفُلْ

القفل هو اخو الجراب
وهوعبارة عن وعاء من الجلد المدبوغ يستعمل لحفظ الاشياءوغالباً ما يكون صغير الحجم بل وهنالك من يتخذ من جلد القطط والسباع قفل ويتباهى به لجماله ومتانته ....والله اعلم

الطيب رجبه
29-10-2010, 01:21 PM
البربندي

البربندي هو شقيق الوتد والفرق بينهما ان البربندي حديد والوتد خشب
لذا فالبربندي عبارة عن قضيب حديدي حاد في احد اطرافه وفي الطرف الاخر توجد به حلقة ويغز في الارض من جهته الحاده وتربط به الدواب والخيام ونحوها ..... ولله العلم

عبدالله احمد قاشوط
29-10-2010, 10:00 PM
اقتباس:
المشاركة الأصلية كتبت بواسطة ام الكل http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10234#post10234)
اقتباس:
المشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10227#post10227)
من منكم يعرف :


المُخّرز




النطُعْ


القفُلْ



الكستبانه



البربندي


الدندهوب


العُطْفه





والله من الحاجات الكتيرة دي كلها ما عرفت
غير تلاتة
المخرز:هو شبيه بالابرة وله مقبض خشبي يستعمل لتفريق الشعر عند المشاط
النطع:سجادة دائرية مصنوعة من السعف مفتوحة في الوسط تفرش للدخان
الكستبانة: اداة من الحديد تلبس في الاصبع
اثناء الخياطة أو التطريز وحماية من وخز الابر
وهناك مثل شهير يضرب عندما يتعرض الشخص لموقف محرج اومكانة ضيقة يقول
(فلان دا دخلنا في كستبانة)

التحيّه لك الاستاذه الفاضله
الاجابات صحيحه100% وانت اجبتي علي اصعب جزء منها وهي الكستبانه لان قليل من يعرفها هنا وهي كنايه عن المكان الضيّق وهي في الاصل قطعه من الالمنيوم او الفضه توضع في مقدمه جفير السيف (غمده) حتي لايكون عُرضه للتمزق عند استلا له واغماده وباقي الكلمات خلينا نشوف الشباب وسوف نقوم بشرحها
كنت مفتكرك خرطوميه خااااااااااااااااااااااااااالص ولكن بعد هذه الاجابات وجدنا فيك بداوه الاعراب حيث الروح البدويه القرويه السمحه المتسامحه

ودمتم

عبدالله احمد قاشوط
29-10-2010, 10:25 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10236#post10236)

القفل هو اخو الجراب
وهوعبارة عن وعاء من الجلد المدبوغ يستعمل لحفظ الاشياءوغالباً ما يكون صغير الحجم بل وهنالك من يتخذ من جلد القطط والسباع قفل ويتباهى به لجماله ومتانته ....والله اعلم



الاخ الطيب لك ودي

عامل لي فيها من المايقومه وانت محتكر كل تراث المحميّه
اجابه صحيحه 100%
وبعدين القفل دي ما اي شخص بيعرفو الا واحد عاش في القري وخاصه التي توجد فيها الاسواق الشعبيه لانهم يضعون فيه زجاج السمن خوفا من الكسر والبيت اللمافيه سمن ايام زمان دي وصل قمه الفقر والعياذه بالله



تسلم يارائع

عبدالله احمد قاشوط
29-10-2010, 10:32 PM
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10237#post10237)

البربندي هو شقيق الوتد والفرق بينهما ان البربندي حديد والوتد خشب

لذا فالبربندي عبارة عن قضيب حديدي حاد في احد اطرافه وفي الطرف الاخر توجد به حلقة ويغز في الارض من جهته الحاده وتربط به الدواب والخيام ونحوها ..... ولله العلم



مشكوووووور والله يعطيك الف عافيه اقتباس:
مافي احسن من كدا

لك منّ عاطر التحايا

عبدالله احمد قاشوط
29-10-2010, 10:50 PM
الدندهوب:عباره عن قطعه من القماش او الخيش تُربط من اطرافها الاربعه بحبل متين وتُعلق في سقف البيت اوالخيمه وتُثبت علي المِرق او العضاضه والعضاضه دي هي (شعبه او العمود الواصل بين طرفي الخيمه او البيت ) ود ا كلو حفاظا علي الاطعمه من متناول القطط والفيران والحشرات الزاحفه


العُطْفه: هي الهودج وهي المكان المخصص للعرائس والاطفال عند الترحال و توضع علي ظهر البعير الاكبر سنأ لثباته ومن ثم يمضون في طريقهم بحثا عن الكلي وهي واقي من الدرجه الاولي لاشئعه الشمس والامطار الان موجوده في منطقه البطانه والبدو بغرب السودان ولو سألتوا منها ناس كريعات وعد الخضر وعد الحاج وتمبول وام جحره بعرفوها ولاّ شنو يابونزار
هههههههههههههههههههههههههههههههههههههههههههههض9

الطيب رجبه
30-10-2010, 07:28 AM
المشاركة الأصلية كتبت بواسطة ام الكل http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10233#post10233)
على حسب اعتقادي الطافور هو: إناء خشبي شبيه

بالفندق يوضع فيه الدهن أو زيت(المسوح)




ما في شك اجابة 10/10
لك الشكر وكامل الاحترام

الطيب رجبه
30-10-2010, 07:31 AM
المشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=10249#post10249)
العُطْفه: هي الهودج وهي المكان المخصص للعرائس والاطفال عند الترحال و توضع علي ظهر البعير الاكبر سنأ لثباته ومن ثم يمضون في طريقهم بحثا عن الكلي وهي واقي من الدرجه الاولي لاشئعه الشمس والامطار الان موجوده في منطقه البطانه والبدو بغرب السودان ولو سألتوا منها ناس كريعات وعد الخضر وعد الحاج وتمبول وام جحره بعرفوها ولاّ شنو يابونزار





في بعض المناطق يطلق عليها اسم الشبريه ..... ولا شنو يا قاشوط ؟؟

الطيب رجبه
02-11-2010, 09:30 PM
الشبريه دي ما لاقتك يا قاشوط ؟؟

الطيب رجبه
02-11-2010, 09:32 PM
لو تكرمتم البعرف ( الحنيه ) يشرح لينا رجاءً

عبدالله احمد قاشوط
02-11-2010, 11:29 PM
المشاركة الأصلية كتبت بواسطة الطيب رجبه http://www.sudan-nl.com/vb/haj/images/buttons/viewpost.gif (http://www.sudan-nl.com/vb/showthread.php?p=10402#post10402)الشبريه دي ما لاقتك يا قاشوط ؟؟

والله ياشيخ الطيب ذي ما قلت ليك معظم المصطلحات السودانيه تختلف مسمياتها باختلاف المناطق وفي النهايه الغايه واحده
اما الشبريه دي اول مره اسمع بيها لكن الظاهر هي العطفه لان مساحتها ضيقه وتُحسب بالاشبار وليس الامتار والله اعلم

تحياتي لك ياغالي

الطيب رجبه
09-11-2010, 06:35 AM
المشاركة الأصلية كتبت بواسطة عبدالله احمد قاشوط http://www.sudan-nl.com/vb/haj/images/buttons/viewpost.gif (http://www.sudan-nl.com/vb/showthread.php?p=10408#post10408)اما الشبريه دي اول مره اسمع بيها لكن الظاهر هي العطفه لان مساحتها ضيقه وتُحسب بالاشبار وليس الامتار والله اعلم

تحياتي لك ياغالي
اجابه سليمة 100%

الطيب رجبه
27-11-2010, 08:46 AM
الحنيه ما عرفتها يا قاشوط ؟؟؟
بديك بيوت شعر امكن من خلالها تعرف المقصود لا سيما وانت متذوق لشعر المسادير ...
قال الشاعر العبادي على لسان ( ريه بت اب كبس ) : وهاك الشعر ...
انا بت البيوت المن بعيد معنيه
بي فوق السماء نفوسنا وبيوتنا حنيه
انا بت اب كبس في النسبة بطحانيه
وفي انتظاركم

الطيب رجبه
29-11-2010, 06:58 AM
الحكاية شنو ؟

هيثم فتحي عبد الماجد
29-11-2010, 01:40 PM
الحكاية يا شيخ الطيب غلبتنا أشرحها لنا لو تكرمت

الطيب رجبه
29-11-2010, 01:47 PM
حاضرين يا ابو صهيب .... ابشر
الحنيه هو بيت البرش او بيت الشعر
وهو عبارة عن اعواد من فروع الشعر يتم تقويسها وهي لينة ثم يعمل منها هيكل قبه تغطى بالبروش المصنوعة من الزعف فتصبح بيتاً جميلاً اشبه ما يكون بالقباب وايحاناً يستبدل البرش بالشمله المصنوعة من الشعر ...
هذا ولكم مني كامل الاحترام والتقدير

الطيب رجبه
22-12-2010, 07:51 AM
اها يا ابو صهيب ....
ما قلت لي رايك شنو في الحنيه ؟

هيثم فتحي عبد الماجد
22-12-2010, 10:19 PM
من منكم يعرف
عنقرب الغد
البرش
البنبر
البرمه
الربيت

عبدالله احمد قاشوط
22-12-2010, 11:03 PM
اقتباس:
المشاركة الأصلية كتبت بواسطة هيثم فتحي عبد الماجد http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=12803#post12803)
من منكم يعرف

عنقرب الغد
البرش
البنبر
البرمه
الربيت





عنقرب الغد العنقريب معروف وهو مصنوع من مرقين ووسادتين ويُجلّد بجلد البقر او الحنقوق والبلاستيك حاليا وهو عباره عن سرير لكن الغد دي ماادري عنها
البرش :هو بمثابه المرتبه في الاستخدام ولكن يصنع من الزعف المضفور بدقه متناهيه وملون بالحمر والاسود والاخضر يسمونه السِباج وهو لون التِفّته وممكن يكون ساده من دون تلويين وله استخدام اخر يضع فوق وتحت الميت ويربط بالعمامه من الاعلي
البنبر:شبيه بالسرير او العنقريب في مكوناته ولكنه صغير نص متر في اربع جنبات وائما ما يجلسنّ عليه الحريم لغرض الطباخه او عمل جَبَنَه لتكون بعيد عن الزحمه اثناء العمل في التُكُلْ (المطبخ)
البرمه : عباره عن اناء فخاري شبيه بالزير ولكنها قصيره شويه تستخدم سابقا لتخمير العجين حتي يكون سهلا في العواسه اوخَبزِه


الربيت: هو الشحوم المستخلصه من الزبائح بعد تسخينها في النار وجعله باردا يسقط الزيت وتكون الشحوم الناضجه في الاعلي

لعلي اصبت

عبدالله احمد قاشوط
22-12-2010, 11:05 PM
اها ياشباب البرش دي الاسم العام فيكم واحد عارف باقي الاسماء بالنسبه للبرش

الطيب رجبه
23-12-2010, 08:20 AM
باقي الاسماء بالنسبه للبرش
العتنيبه .....

عبدالله احمد قاشوط
24-12-2010, 12:32 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=12833#post12833)

العتنيبه .....



اعطيك العافيه يابو وائل
(1) العتنيبه

(2) الصرموجه
يلا الباقيات

الطيب رجبه
24-12-2010, 01:09 PM
يلا يا جماعة همة معانا شوية
يديكم العافية

عبدالله احمد قاشوط
24-12-2010, 04:00 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=12857#post12857)
يلا يا جماعة همة معانا شوية
يديكم العافية



العَلَجة

الطيب رجبه
30-12-2010, 10:02 AM
ما هي( البوقه ) ؟
يلا يا المزارعين

الطيب رجبه
03-01-2011, 02:13 PM
البوقه بضم الباء والواو وفتح القاف : هي او عملية ري للمحصول الزراعي ولا تكون الا في الري الصناعي ( يعني ناس الزراعه المطريه ما عندهم بوقه )

الطيب رجبه
03-01-2011, 02:15 PM
اركا عمياء
الكار
ام حفيرة
ما هي ؟
و ما العلاقة بينهن ؟

الميكانيكي
03-01-2011, 07:19 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=13339#post13339)
اركا عمياء
الكار
ام حفيرة
ما هي ؟
و ما العلاقة بينهن ؟



على مااعتقد انها من الالعاب القديـــــــــــــــــمة
والعلاقة بينهن جميعها العاب بنات
صحيح ولا انا غلطان

الطيب رجبه
04-01-2011, 10:38 AM
الاجابة صحيحه 100%
لكن لو فصلت لينا يكون اجمل

الطيب رجبه
19-01-2011, 08:12 AM
البعرف ( الكعكول ) منو ؟

عبدالله احمد قاشوط
21-01-2011, 12:12 AM
الكـــــــــار هو الدملوج بمعني اخر وهو ثمره شجره الهجليــــــــــج و بالعربي كدا هو اللالوب
طبعا في لعبه الكار انت وشطارتك اشبه بلعبه البِلّي

يوضع الكار داخل الحُفّره وتجدع المُنّقار لفوق وتاخذ بيدك من الحفره قدر مسافه المنقار قبل مايسقط والمنقار هو حجر صغير بقدر قطعه الخرسانه
القانون الوحيد في هذه اللعبه هو عدم سقوط الحجر الذي تلعب به واذا سقط الحجر اي المنقار لا يحق لك ان تاخذ الكار الذي استخرجته من الحفرة وياتي الدور لبعدك

اما ام الحفيره لها قوانين اخري

عدد الحصي او طور الجمال او اللالوب يكون سبعه حبات
توضع هذه الحصيات داخل الحفّره وتجدع المنقار لفوق وتستخرج من الحفر
الحصي وتستلم المنقار قبل السقوط وترفع المنقار مرّه اخري لتسترجع بقيه الحصي الي الحفره تاركا واحده فقط وبنفس الترتيب المرّه الجايه تترك اثنان وترجّع الباقي ثم ثلاثه وهكذا الي الاخر
العقاب فيها للمنهزمين من قبل الفائز هو الجلد علي الارجل بشي لايكون جارح مثلا سفنجه قديمه مشمشه من الكوشه اكرمكم الله
وعدد الجلدات يُتفق عليه فبل ضربه البدايه مابين الثلاثه والخمسه ضربات او جلّدات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
اتمني ان اكون وفّقت

عبدالله احمد قاشوط
21-01-2011, 12:18 AM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=14054#post14054)
البعرف ( الكعكول ) منو ؟


الكعكــــــــــــــول هو الصَمُغْ ولكن في اماكن اخري يقال الكعكول هو صمغ السُنط وله مسمّي اخر (الكدابه ) وتستخدم لدي حبوباتنا في فرد الشعر عند المُشاط

عبدالله احمد قاشوط
21-01-2011, 12:20 AM
ماهي
(الجانبيّــــــــــــــــــــة)

عبدالله احمد قاشوط
21-01-2011, 12:21 AM
ماهي

الانزوره

الطيب رجبه
22-01-2011, 09:08 AM
المشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=14125#post14125)
ماهي
(الجانبيّــــــــــــــــــــة)


اولاً لك الشكر اخي عبد الله على توضيحك الثر للمصطلحات السابقه فقد افضت في شرحها وكفيت ووفيت ....
ثانياً الجانبيه بهذا الاسم ما بعرفها ...
لكن اذا كنت قاصد الجنابيه فهي تطلق على عدة مسميات من اهما ذلك الجدول الكبير الذي يكون بين اب عشرين والكنار فاذا كان هذا هو المقصود ارجو الافادة عشان نشرح اكثر ونوضح بعض المسميات
وفي انتظارك يا حبوب

الطيب رجبه
03-03-2011, 05:00 AM
منتظرين يا قاشوط

عبدالله احمد قاشوط
04-03-2011, 10:54 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=15240#post15240)
منتظرين يا قاشوط


اها جيتك تب يابووائل

عبدالله احمد قاشوط
04-03-2011, 11:12 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=14144#post14144)
اولاً لك الشكر اخي عبد الله على توضيحك الثر للمصطلحات السابقه فقد افضت في شرحها وكفيت ووفيت ....
ثانياً الجانبيه بهذا الاسم ما بعرفها ...
لكن اذا كنت قاصد الجنابيه فهي تطلق على عدة مسميات من اهما ذلك الجدول الكبير الذي يكون بين اب عشرين والكنار فاذا كان هذا هو المقصود ارجو الافادة عشان نشرح اكثر ونوضح بعض المسميات
وفي انتظارك يا حبوب



في مسمي الجنّابيه كلامك صحيح
اما الجانبيّه في عباره عن سكين تصنع من الحديد الصلب بحيث يكون راسها مرتفع رفعه بسيطه للاعلي تُدق وتصهر هذه الحديده حتي تكون خفيفه لها عود في موخرتها في الاغلب من شجر الدبكر لهشاشته وسهوله استخدامه عند التركيب
تستخدم هذه الجانبيه في تقطيع واستأصال الزعف والانزوره عند صناعه البروش

والانزوره هي الرُقابة عشان نوضح اكثــــــــــر هي قطعه من القصب ان كان قصب الذره او العدار وبالتحديد المسافه بين السنبله واخر الساق تُكسر هذه الرُقابه وتجفف وتُبلْ بالماء وتُقسّم بالجانيه وتُنظف من اللب الذي بداخلها وتكون في شكل خفيف تلوّن بالوان مختلفه اشبه بالزعف تستخدم في صناعه البروش لنعومتها

بالمناسبه البرش المصنوع من الانزوره له مسميات منها المقص والعلجه والدقّه والصرموجه وهي باهظة الثمن

وشكــــــــــرا

الطيب رجبه
08-03-2011, 06:58 AM
بالمناسبه البرش المصنوع من الانزوره له مسميات منها المقص والعلجه والدقّه والصرموجه وهي باهظة الثمن

معلومات اصيلة ومفيدة
كتر الله خيرك يا عوبد
وفي انتظار الجديد منك يا حبوب

الطيب رجبه
26-03-2011, 10:10 AM
الورتاب ......
الكاويقه ......
كوديق .....
دي رطانه ولا عربي ؟
التماس ورجاء من يعرف معناها يورينا وله الشكر ؟

عبدالله احمد قاشوط
29-03-2011, 11:59 PM
الورتاب : هو الصفق صفق الزرع او الاشجار عامةً

الكاويقه : اعتقد هي الباميه او الويكه العاصيه التي تخطت مرحله النضج ويصعب تقطيعها ويقال ويكه مكاوقه

كوديق : دي اول مرّه اسمع بيها وتشبّه كلمه كوديره
وهي مخلفات الانعام

وقالوا اسالوا اهل الذكـــــــــــــــــر بكسر الذا

الطيب رجبه
31-03-2011, 07:45 AM
المشاركة الأصلية كتبت بواسطة عبدالله احمد قاشوط http://www.sudan-nl.com/vb/xbox360/buttons/viewpost.gif (http://www.sudan-nl.com/vb/showthread.php?p=15815#post15815)
الورتاب : هو الصفق صفق الزرع او الاشجار عامةً






اجابة سليمة يا عبد الله 100%

الكاويقه : اعتقد هي الباميه او الويكه العاصيه التي تخطت مرحله النضج ويصعب تقطيعها ويقال ويكه مكاوقه


الكاويقة هي اوراق قصب الذرة او اللوبيا اذا انفصلت عن العيدان واصبحت يابسة



كوديق : دي اول مرّه اسمع بيها وتشبّه كلمه كوديره
وهي مخلفات الانعام





الكوديق هو ما تبقه البهائم من طعام بعد ان تشبع وتحديداً الابقار او الحمير التي يتم تسمينها ( دعول ) فتصبح امامها في شكل كوم كبير من القصب او الحشائش والاعشاب ويعاد استخدامه مرة اخرى عند الحاجة



وقالوا اسالوا اهل الذكـــــــــــــــــر بكسر الذا




وانت ممن يسال يا قاشوط

الطيب رجبه
26-04-2011, 03:52 PM
التايه
ماذا تعني ؟؟
في انتظاركم مع كامل احترامي

ام الكل
03-05-2011, 10:33 PM
على ما اعتقد بانه التاية هي المرأة الضُلالة
يعني مثل الخيمة والله أعلم..........

الطيب رجبه
04-05-2011, 06:05 AM
ام الكل ....
كلامك في مجمله صحيح لكن عايزين تفصيل اكثر شوية
شكراً لك على التداخل والافادة

نميرى الشايقى
20-06-2011, 06:33 PM
لكم التحيه اخوتى وعندى بعض الاضافات بالنسبه للمسميات المذكوره وربما يختلف المعنى قليلا فى شمال السودان الورتابه تعنى حزمه من القصب الجاف ولا تطلق الا على قصب الذره فقط اما الكوديق عباره عن جدول يحفر ليقرب المسافه بين النيل والات الرى والتايه تطلق على مجموعة عمال وغالبا عمال البناء ودق الطوب

الطيب رجبه
21-06-2011, 10:56 PM
حبابك وحباب اضافاتك القيمة اخوي نميري الشايقي
وفي انتظار المزيد من هذه المصطلحات العريقة
تسلم يا حبوب

نميرى الشايقى
23-06-2011, 04:37 PM
الهوليقه او الحاحايه وهى راكوبه مرتفعه تنصب فى وسط الحواشه ويجلس عليها احد الصبيه بيده مجموعة حبال متصله بعدد من العيدان الطويله مغروسه داخل الارض يثبت على كل عود منها كشكوش وهو عباره عن علبه حديد تحتوى على عدد من الحصى صغير الحجم وتقفل بلم طرفيها وتستخدم الهوليقه لطرد الطيور والعصافير عند اقتراب موسم الحصاد بتحريك الحبال بواسطة الصبى الجالس عليها لتصدر الكشاكيش اصواتا مخيفه ومزعجه للطيور ويضرب المثل للشخص الطويل يقولك فلان ده طويل متل الهوليقه او المغلوب على امره يقولك فلان ده يحاحى فى الطير رايكم شنو دقه قديمه موش كده بالمناسبه هذه الاشياء الى نهاية الثمانينات وهى موجوده

العاصفه الحداد
24-06-2011, 12:08 PM
حد فاهم حاجه ؟؟؟؟؟؟؟
براحه علينا نحنا ناس صغار

الطيب رجبه
27-06-2011, 06:29 AM
المشاركة الأصلية كتبت بواسطة نميرى الشايقى http://www.sudan-nl.com/vb/sudan/buttons/viewpost.gif (http://www.sudan-nl.com/vb/showthread.php?p=18193#post18193)
الهوليقه او الحاحايه وهى راكوبه



معلومات اصيلة ....
وخبرات عريقة ....
وشرح بسيط ووااااااضح ....
لك مني اطنان من التقدير يا نميري
وفي انتظارك يا حبوب

الطيب رجبه
27-06-2011, 06:31 AM
المشاركة الأصلية كتبت بواسطة العاصفه الحداد http://www.sudan-nl.com/vb/sudan/buttons/viewpost.gif (http://www.sudan-nl.com/vb/showthread.php?p=18197#post18197)
حد فاهم حاجه ؟؟؟؟؟؟؟
براحه علينا نحنا ناس صغار




ههههههههههههه
العاصفة الحداد يعني ما حاحيت ود ابرق ؟؟؟
ولا دودرت الدباس والقمري ؟؟

الطيب رجبه
30-06-2011, 06:28 AM
ولا شركت للقمري بالفرنيب ؟؟؟؟
رطانه عدييييل

الطيب رجبه
03-07-2011, 06:11 AM
الشايقي وينك ؟

نميرى الشايقى
03-07-2011, 07:49 AM
موجوووووود يا ابو الطيب وبستاذنكم كمان 10ايام نمشى عمره ونرجع انشاء الله
بس قبل ما امشى اديكم حبتين شوفولى معناهم الكجامه وشرك الجقور

الطيب رجبه
07-07-2011, 06:44 AM
تمشي وترجع بالسلامة
وربنا يتقبل منكم الطاعات والقربات وما تنسانا من الدعوات

الطيب رجبه
07-07-2011, 06:55 AM
الكجامه

الكجامة عبارة عن فخ في شكل دائرة شديدة الاطباق ، ومصنوعة من الحديد ولها اسنان حادة وقوة جداً ، تطبق على بعضها البعض بصورة يصعب التخلص منها ، ويتم تشريكها بوضع قطعه من الطُعم في وسطها بعد فرد فكيها ونصب ميزانها بصورة تجعلها سريعة الاطباق اذا ما اقتربت الفريسة من الطُعم ، وعادةً يصطاد بها الكلاب والقطط الكبيرة والثعالب وغيرها من المفترسات كبيرة الحجم ، ويتم ربط الكجامه بسلسلة حديديه على شي ثابت بحيث لو حاولت الفريسة اخذ الكجامة والهرب لا تستطيع ....
دا البعرفو انا عن الكجامه
ومنتظرين نميري
وبالمناسبة دي عندي ليك قصة طريفه جداً عن الكجامه سوف احكيها لكم في مساحة اخرى
كونو بخير

الطيب رجبه
02-08-2011, 08:25 PM
شنو يا نميري منقطع ؟؟

نميرى الشايقى
01-10-2011, 07:47 AM
وينك يا ابو وائل لينا تلاته شهور منتظرين قصتك مع الكجامه

الطيب رجبه
20-10-2011, 07:21 AM
اها جيتك لقصة الكجامة يا نميري

الطيب رجبه
20-10-2011, 07:33 AM
في قريتنا عندنا واحد باني ليهو كرنك حق بصل وعامل في الجدار فتحات صغيرة للتهوية وكدا( طاقه ) ...المهم بجيب البصل وبصبه فرط في الكرنك واحياناً بتصبح كمية البصل اعلى من بعض الفتحات التحت ...فيقوم صاحبنا بسدها بالقش والتبس ( طبعاً دي كلها مصطلحات دايره ليها شرح ) ..المهم في الموضوع كان في واحد حرامي حريف بجي شايل شواله بالليل ويختو تحت الفتحات دي ( الطاقات ) ويشيل القش من الطاقه ويبداء البصل يدفق في الشوال وبعد ما يشيل الكمية الدايرها يرجع القش في محلو ، طبعاً بعد فترة البصل القريب من الفتحات كلو بكون نقص وبحتاج لشوية دفره باليد ... الحرامي كان بدخل يديو ويدي البصل جره جرتين عشان ينزل في الشوال ...... في يوم من الايام صاحب البصل اكتشف حكاية السرقه دي واكتشف الاليه البتم بيها السرقه ... قام جاب ليهو كجامه وختاها من جوه قصاد الفتحه البسرق منها الحرامي ، وحرامي السجم جاء زي عادتو فتح الشوال ودخل ايدو وطبعاً الكجامه كانت له بالمرصاد والحرامي بقى في ورطه وتسمع فك يا خي فك فك فك يا اخي والله تاني ما بجي المهم صاحبنا يعافر في الكجامة والايد حالتها بقت بالبلاء لحدي قريب الفجر صاحب البصل جاء وقابل الحرامي فييييييييس تو فيييس والموضوع انتهى في حدود فك ايد الحرامي مقابل عدم عودته للسرقه مجدداً مع التستر على اسم الحرامي ولقد توفي صاحب البصل والى الان جميع اهل الحي لا يعرفون الحرامي الا ابن صاحب البصل الذي روى القصة وكان شاهد العيان الوحيد فيها ...
ودي القصة

نميرى الشايقى
23-10-2011, 06:12 AM
ههههههههههههه


والله يا ابو وائل شكلو صاحب الكجامه لافى سنون الكجامه بيقماش

ولو ما كده الحرامى كان لقى نص يدو تنطط فوق البصل وكان ممكن


الكجامه تقيم عليهو الحد عديييييييييل كده

الطيب رجبه
23-10-2011, 08:09 AM
ممكن يكون خاتي ليهو بصله بصلتين بين سنون الكجامه عشان ايد الراجل ما تتلحس
تشكر على المرور يا حبوب
وفي انتظار جديدك

الطيب رجبه
23-11-2011, 04:08 AM
وين الناس يا جماعة

الطيب رجبه
26-11-2011, 08:00 AM
الدوداب .... شنو ؟

الميكانيكي
26-11-2011, 01:03 PM
الدوداب .... شنو ؟

على ما اعتقد الدوداب هو طريق صغير لايتسع لأكثر من شخص ويكون بين الاعشاب خاصة ايام الخريف ......


الدوداب ود عم الدغرشم

الطيب رجبه
26-11-2011, 02:38 PM
الدوداب ود عم الدغرشم

والله الليلة يا ابو ابراهيم جيتنا براي جديد
كدي ورينا الدغرشم دا زاااااااااااتو شنو ؟؟؟
اللهم زدنا علم
تسلم يا حبوب

عمرالبطحانى
29-11-2011, 10:34 PM
البعرف ملاح ام تلاتة منو وبكون لذيذعندما يوكل بكسرة بريدةوانتو عارفين البريدة دى شنو للاجابة الاتصال بى حبيبى ودقاشوط او على هاتف النيل المجانى على الرقم محبة وصداقة واخاء

ام الكل
30-11-2011, 05:48 PM
اقتباس:
المشاركة الأصلية كتبت بواسطة عمرالبطحانى http://www.sudan-nl.com/vb/SUDAN/buttons/viewpost.gif (http://www.sudan-nl.com/vb/showthread.php?p=20836#post20836)
البعرف ملاح ام تلاتة منو وبكون لذيذعندما يوكل بكسرة بريدةوانتو عارفين البريدة دى شنو للاجابة الاتصال بى حبيبى ودقاشوط او على هاتف النيل المجانى على الرقم محبة وصداقة واخاء



اقتباس:
المشاركة الأصلية كتبت بواسطة عمرالبطحانى http://www.sudan-nl.com/vb//SUDAN/buttons/viewpost.gif (http://www.sudan-nl.com/vb//showthread.php?p=20836#post20836)
البعرف ملاح ام تلاتة منو وبكون لذيذعندما يوكل بكسرة بريدةوانتو عارفين البريدة دى شنو للاجابة الاتصال بى حبيبى ودقاشوط او على هاتف النيل المجانى على الرقم محبة وصداقة واخاء


أنا بعرف ملاح المتلوت وجاية من تلاتة وهو مفروكة البامية والسلج والشمار الاخضر هل هو نفسه ام تلاتة؟؟؟ ولكن اول مرة اسمع بكسرة البريدة!

عمرالبطحانى
02-12-2011, 10:30 PM
ام تلاتة ياام الكل بصلة ويكة وموية والكسرة البريدة دى العصيدة البايتة بس بتعرفو ام كشك برضو دى اكلة

عبدالله احمد قاشوط
02-12-2011, 11:10 PM
ام تلاتة ياام الكل بصلة ويكة وموية والكسرة البريدة دى العصيدة البايتة بس بتعرفو ام كشك برضو دى اكلة

اية ام تلاتة وام كُشك ياعمر
نحن في عالم حديث ومتطور ودي حاجات اكل عليها الدهر وشرب من زمن التلاجة كانت المشلعيب ورفوف المطبخ كان الدندهوب وهو الشوال الذي يربط من جميع اركانة الاربعة ويعلق في مرق البيت وبالتالي يوضع فية اي حاجة لحفظها من الكدسة والكلاب الضالة

الان ياعمر ام تلاتة سوقها مات مع الديلفري

عمرالبطحانى
03-12-2011, 09:27 PM
واللة مشكور ياقاشوط لكن النسى قديموتاه ونحنا بنحى فى ماكولات عل الشباب الحاضريعرف تاريخ احفادناماذاكانويقتاتون

الطيب رجبه
05-12-2011, 07:50 AM
الماعندو ساس بكون مقطوع الراس
والله اكلات زمان دي اصح حاجة والناس كانو في اتم الصحة والعافية لا سرطانات ولا سمنه لا ...لا...لا.
ولكم شكري واحترامي

الطيب رجبه
19-12-2011, 07:04 AM
وين البطحاني ونميري الشايقي يا جماعة مختفي ؟؟؟

نميرى الشايقى
09-01-2012, 10:15 AM
مشكوووووريا ابو وائل وانشالله ما نفقدك

وعندى ليكم واحده لكن صعبه بالجد رغم انو كلنا كنا
بنستخدمها بصوره يوميه وبالذات بنات حواء
الا انو شكلها اتغير شويه واختفى منها( الشمنديق )
وهو المصطلح المطلوب فما هو الشمنديق
ولسه جاييكم

عمرالبطحانى
09-01-2012, 11:24 PM
اقتباس:
المشاركة الأصلية كتبت بواسطة الطيب رجبه http://www.sudan-nl.com/vb/SUDAN/buttons/viewpost.gif (http://www.sudan-nl.com/vb/showthread.php?p=21245#post21245)
وين البطحاني ونميري الشايقي يا جماعة مختفي ؟؟؟


مشكوراستاذتى الطيب بس اناواللة مشغول بى التجهيز للسفرعشان كدة بعدت شوية ولكنكم واللة موجدين فى حنايافوادى ونشكرك على تفقدك لى وشعورك النبيل

عمرالبطحانى
09-01-2012, 11:27 PM
عندى سوال واحد فى حدبعرف الكرف معناةشنو

الطيب رجبه
28-01-2012, 12:45 PM
هادي الشورة الغلبنا دليلها يا عمر
الكرف البعرفو انا حق السعوديين ويعني الدرش والاندراشه بالسوداني البحت
تحياتنا تصلك وانت بين الاهل يا البطحاني
كل التقدير

ود البانجديد
12-02-2012, 07:53 AM
التبسيب ـ المشلعيب ـ الدوراية ـ البخسه ـ الزير ـ الكنتوش ـ الدوكة ــ القدح ـ البرمة ـ الكناسة ـ الدلو ـ السعن ـ القربة ــ الحربة ـ الكوكاب ـ المجداف ـ الدميرة ـ البرش ـ
نأسف لضيق الوقت لكن اوعدكم بالشرح قريبا جداًياغاليين,,,,

ود البانجديد

الطيب رجبه
12-02-2012, 05:48 PM
حبابك يا ود البانجديد
وفي انتظارك وانتظار شرحك
تسلم .... تسلم

عمرالبطحانى
12-02-2012, 08:24 PM
يارجبة الكرف سودانى بحت وهو واحد من الاوزان القديمةوعندماتكيل بكفيك الاثنين مع بعض يسمى الكرف واسال شيابك يارجبةومشكور على التحايا

ام الكل
20-02-2012, 03:27 PM
بنيتي حسابك لـكلام راجل أسمعا
حسابك يا بنيتي كلامي لا تابا
كلامي كم أبيتيه تكوسيه ما تلقا
* * *
هي لا تخليه ينقنق لـ كلامو تسفها
... لا تقوّي راسك ، بكرة يقولوا طلقا
بلا إذنو لا تمشي لـ محل مآجرا

فجر كم ولا عندو لـ عشيّا أمهلا
***
وراجل كم ما ناداك لا تمشي تلحقا
وكم غبّت منك نادي أسألا
قشي بيتك بدري وعيشك أطحنا
الما وساخة ، في خشم بيت لا تكشحا
***
وكم عاطت فوقك لا تدقيه تفلعا
إنتي أشكيه لـ الله لـحقك يخلسا
انتي بنيتي كم لـكلامي تسمعا
الله والنبي لـكلام راجل تسمعا
الله والنبي لـكلام راجل أسمعا
***
حتّي عجاج بيتك ، عنقريبو فرشيه
وكورة أم قعر تحت سريرو جيبيه ختّيه
توبك المجنقر دا ب إبرة أمسكيه
رجلينك المشقق دا أدرشيه حننيه
***
وشعرك المشمبل دا لميه مشطيه
المدونكت من قعارو فرتقيه
أوطوي أوقاي لألمي أردي جيبيه
عجينة كم تعوسيه لـدوكي أتّقيه
***
جيبي مخبرك لـبطن بيتك بخريه
كم كملتي خدمتك لـنارك أكتليه
***
كم فتّي بطن حلّه ، لـبيتك طليه شيفيه
كلام كم تخاف لو من بيت لا تمرقيه
وقالوا وقلنا في لسانك لا تجيبيه
جارتك المهوهوة دا لا بيتك بخربيه
***
نصيحتي كم سمعتيه لـ بيتك أمسكيه
الله والنبي لـ كلام راجل تسمعا

وصية لكل زوجة لكي تحافظ على بيتها...........منقول

عبدالله احمد قاشوط
20-02-2012, 11:58 PM
ام الكل جزيت خيرا علي هذه الرساله القيّمه والشي المتعارف عليه قبل موعد الزفاف والدلوكه وكدا توجّه للعروسه رسائل متعدده في اشكالها ونوعيتها المهم كل يود توصيل رسالته بطريقته الخاصه وعلي حسب المقدره والفهم فتكون رساله في شكل تنبه او تحزير او توصيه من الحبوبات والصديقات والخالات والعمات حتي تستطيع الزوجه التالف والحرص علي عشّها الجديد خصوصا هناك شخصيه جديده في حيتها فكلما اساءت الحكم او التصرف تذكرت احد الرسائل التي قُدمت لها ومن ثم التنازل والتراجع من الخطوه التي كانت ستقدم عليها

اعطيك العافيه
تخــريمه طبعا لابد منها ؟
القصيده اي الرساله دي اعتقد من التراث السوداني بغرب السودان لان كلما حاولت اقراءها في شكل دوبيت ومسادير اشوفها متكيّه

الطيب رجبه
21-02-2012, 02:36 PM
المشاركة الأصلية كتبت بواسطة ام الكل http://www.sudan-nl.com/vb/sudan/buttons/viewpost.gif (http://www.sudan-nl.com/vb/showthread.php?p=23727#post23727)



نصيحتي كم سمعتيه لـ بيتك أمسكيه
الله والنبي لـ كلام راجل تسمعا

وصية لكل زوجة لكي تحافظ على بيتها


وصية عظيمة جداً والله
مشكورة يا ام الكل

الطيب رجبه
21-02-2012, 02:37 PM
المشاركة الأصلية كتبت بواسطة عبدالله احمد قاشوط http://www.sudan-nl.com/vb/sudan/buttons/viewpost.gif (http://www.sudan-nl.com/vb/showthread.php?p=23734#post23734)
لان كلما حاولت اقراءها في شكل دوبيت ومسادير اشوفها متكيّه


دا شغل حكامات يا ود قاشوط

الطيب رجبه
21-02-2012, 02:39 PM
الجرق .... الجخس ... الدعول
ثلاثة كلمات عايزين نعرف معناها شنو ؟؟؟

ودالشريف
21-02-2012, 02:50 PM
ام مشكورة علي اللحوة الفنية الرائعة المرصعة بالحكمة وهي قلادة علي جيد كل عروس سودانية .لكن محتاجين لتفسير بعض المعاني وسلمت يداك

ود البانجديد
03-07-2012, 07:41 AM
البخسة هي عبارة عن نوع من القرع الخلوي بعدما يجف تفتح من فوق وتحزم بي حبال خشم البخسة يتنسج بي سعف ويوضع اللبن الرائب داخلها ويهزوها حتي يتم فرز الروب و الفرصة التي يتم غليها ويستخرج السمن منها

ود البانجديد
03-07-2012, 07:49 AM
يارجبة انا بحل ليك الدعول : هو (خروف او تيس ماعز) يربي داخل البيت بعناية فائقة وكل باقي الحلل والكسرة والرغيف وقشر اي حاجة بدوها ليه ويعجبك (بدوس اي شئ وارد اليه) وبعد فترة ينزنز من الشحم.
شوقتنا والله
اكلت مناصيص يالطيب

ود البانجديد
03-07-2012, 08:04 AM
التبسيب / عبارة عن خليط من طين الخيران وروث البقر الجاف بتعمل علي شكل حوض بارتفاع 30سم تقريبا ويملس من الداخل ويصب فيه الماء من (التمد او المشيش او الجمام) ودي برضو عايزه شرح ويسقي فيه البقر والغنم والابل

محسن الطيب محمد
25-02-2013, 10:46 AM
السحاره :- وهى عباره عن صتدوق من الخشب وكان حبوباتنا يدسن فيه كل ماهو غالى ونفيس فى الزمن الجميل . ونحن كنا نجد فيه التمر والحلو مر وبعض حلاوة المولد . وانا مازلت احتفظ بهذا الصندوفق .

الطيب رجبه
26-02-2013, 02:30 PM
المشاركة الأصلية كتبت بواسطة ود البانجديد http://www.sudan-nl.com/vb/sudan/buttons/viewpost.gif (http://www.sudan-nl.com/vb/showthread.php?p=27268#post27268)
يارجبة انا بحل ليك الدعول : هو (خروف او تيس ماعز) يربي داخل البيت بعناية فائقة وكل باقي الحلل والكسرة والرغيف وقشر اي حاجة بدوها ليه ويعجبك (بدوس اي شئ وارد اليه) وبعد فترة ينزنز من الشحم.
شوقتنا والله
اكلت مناصيص يالطيب


ما قصرت تب في شرح الدعول والله
لكن المناصيص دي ماااااعرفتها كو

الطيب رجبه
26-02-2013, 02:33 PM
المشاركة الأصلية كتبت بواسطة ود البانجديد http://www.sudan-nl.com/vb/sudan/buttons/viewpost.gif (http://www.sudan-nl.com/vb/showthread.php?p=27269#post27269)
التبسيب / عبارة عن خليط من طين الخيران وروث البقر الجاف بتعمل علي شكل حوض بارتفاع 30سم تقريبا ويملس من الداخل ويصب فيه الماء من (التمد او المشيش او الجمام) ودي برضو عايزه شرح ويسقي فيه البقر والغنم والابل



عجيييييييييب انا في البدايه قايلو حاجه مصنوعه من التبس ( بتعرف التبس يا ود البان جديد )
لك كل الشكر

الطيب رجبه
26-02-2013, 02:34 PM
المشاركة الأصلية كتبت بواسطة محسن الطيب محمد http://www.sudan-nl.com/vb/sudan/buttons/viewpost.gif (http://www.sudan-nl.com/vb/showthread.php?p=30726#post30726)
السحاره :- وهى عباره عن صتدوق من الخشب وكان حبوباتنا يدسن فيه كل ماهو غالى ونفيس فى الزمن الجميل . ونحن كنا نجد فيه التمر والحلو مر وبعض حلاوة المولد . وانا مازلت احتفظ بهذا الصندوفق .


يعني في مقام الدولاب اليوم ؟؟
تسلم على المعلومات استاذنا محسن
مشكور